Сан корехь акхтарго...

Сан корехь  акхтарго

Мохаца хабаре даьлла,

Х1ора г1а лестадо,

Балхабеш цуьнга  шен бала.

Г1ад кура х1ай акхтарг,

Сема ладег1арх, со-м кхетац.

Шабаршца, леррина

Х1ун къайле ялхайо ахьа.

Лиъна – те, д1адаха

Шех терра талл долчче, дехьа.

Моьтту – те, хир дара

Самукъне цуьнца шен дахар.

Амал дац д1ахада

Орамаш кхобучу лаьттах.

Хьан дахар ду, акхтарг,

Лаьттат1ехь  ирахь мел лаьтта.

Орамех хьо хадахь,

Тосур ду, дечиг деш, ц1ерга.

Я пхьеран кара г1ахь,

Г1ант хир хьох, я хир хьох маьнга.

 

Сагал-буц

Хьонхало хьаяза аре

Яьккхина сагал-буц кхиъна.

Тулг1енех  юьззина аре

Лесташ го, махехь  х1орд санна.

Б1аьстенца малхана къежа,

Деллалой, кегийра заза.

Зазз доьжча, бос эцна къоьжа

Хетало  йис 1уьллуш санна.

Хьайбанашна и буц еза.

Дарбанна ю иза пайде  

Эцалуччул пайда эца,

Леладайта дарба лоьре.